Sigurista?

Dalawang mangangaso ang nagtungo sa kakahuyan. Habang naglalakad, bigla na lang nagulat ang isa nang biglang bumulagta ang kasama niya sa lupa. Hindi na ito humihinga at nakatirik ang mga mata. Nataranta ang lalaki sa nakita pero hindi nawala sa isip niya na kuhanin ang "cellphone" niya at tumawag ng "emergency services."

Lalaki: Namatay ang kaibigan ko!! Ano'ng gagawin ko?

(At mahinahon namang sumagot ang opereytor, at ang sabi...)

Opereytor: Relax lang po. Tutulungan ko po kayo. Una, siguraduhin niyo po muna kung patay na talaga siya.

(Tumahimik ng sandali, at maya-maya ay nakarinig ng isang putok ng baril ang opereytor sa kabilang linya... At bumalik ang lalaki sa "cellphone" niya at sumagot na...)

Lalaki: Oh, tapos? Ano nang gagawin ko ngayon?

(Natameme ang opereytor.)