Nagtatanong Lang Po

1. Ano ba ang mangyayari kapag inabutan ka ng "siyam-siyam"?

2. Gaano kabilis ang mabilis pa sa alas-kuwatro?

3. Ano ba ang ginagamit na panulat kapag sinabihan ka na "ilista mo sa tubig."?

4. Totoo bang matagal mamatay ang masamang damo? Di ba isang bunutan lang 'yun?

5. Hindi ba mapapakain sa kambing ang damo kapag patay na ang kabayo?

6. Bakit kailangan pa mamaluktot kapag maigsi ang kumot? pwede naman patayin aircon o kumuha ng mas mahaba.

7. Gaano ba kasakit ang abutan ng "pagkagat ng dilim"?

8. Nahuhukay ba ang gabi kapag sinabing "lumalalim na ang gabi"?

9. Kung sa Silangan sumisikat ang araw at sa Kanluran lumulubog, ano naman ang masasabi natin sa Hilaga at Timog?

10. Maniniwala ka ba kapag may nagsabi sa'yo na "lasang ipis" kinakain nya? Depende na lang kung nakatikim na talaga siya ng ipis.

11. Naamoy na ba nila ang araw para sabihing "amoy-araw" ka?

12. Nakakita na ba sila ng anghel para sabihing "mukha kang anghel"?

13. Kapag ba sinabing "may tama ang taong 'yun," ibig sabihin ba n'un, may "mali" siya sa pag-iisip?

14. Bakit "blackboard" ang tawag sa board na kulay green?

15. Bakit sinasabi nilang "practice makes perfect" kung kokontrahin din lang naman ng "nobody's perfect"?

16. Kung alak-alakan ang tawag sa likuran ng tuhod, ano naman ang tawag sa harapan ng siko?

17. Bakit ang mga daliri sa kamay ay may pangalan (hinlalaki, hintuturo, hinlalato, palasinsingan at hinliliit), bakit wala tayong tawag sa daliri sa paa?